我有位中學老師因病過左身

係無幾耐前既事﹐o係judif 既xanga 度見到…..

呢位老師係我同另外兩個香港朋友既class tutor….

呢位老師好特別….

佢甚少笑﹔有又大又曲既鼻又多粒粒﹔頭髮又攣又篷鬆﹔又韓背又矮又時常著黑袍﹔戴尖頂高帽同巨粗框眼鏡﹔仲養左隻黑貓。

所以唐人鬼妹摩囉叉一致地叫佢做巫婆。

佢每朝都帶大英帝國名牌八掛雜誌 Hello Magazine 返學俾學生睇﹐不過睇唔夠兩分鐘就搶返走鎖起晒D雜誌﹐好似驚死D過期兩個月既雜誌會俾我地偷。

早會係八點九﹐佢永遠要我地全班八點半去到禮堂﹐好似驚死會無位坐。全班就會開始怨悶同問候巫婆。

佢有好多各式各樣既規矩。呢樣唔做得﹑o個樣唔做得。

佢教D異常地冷門既科目﹐例如經典文學﹑希獵文﹑拉丁文。

有次Halloween Party 我要幫我個House畫個巫婆Banner…. 搵佢做模特兒。

我地懷疑佢用自己魔法煉製既”香”水… 因為…. 簡直臭到方圓五百米都聞到佢既存在。我地話唔定仲可以好似隻狗咁smell her track 搵到佢。

課室又熱又焗又臭(巫婆味)佢都唔俾人開窗(我地話佢想焗到引黎D老鼠蟑螂朋友)。

太陽未升起﹐又落大雨﹐有人要o係課室溫書佢都唔準人開燈(我地話巫婆見光死)。

所以唐人鬼妹摩囉叉一致地取笑”巫婆”。

佢係我地既圈子中提及得最多既老師(講佢壞話…)﹐又話佢種族歧視。

我中學畢業之後諗都無諗過要搵佢。

估唔到﹐真係以後都見唔到佢。

話晒佢都有幫我適應新學校生活﹔

佢成日讚我D畫﹔

有次早會我演奏大提琴﹐早會完佢過黎同我講 “Well Done!”﹔

另一次早會﹐class prayers﹐我讀左篇文章。第二日佢寫左張多謝咭俾我﹔

入到好大學﹐又係全靠佢。

唔…. 開始內疚啦….

Her memorial service is on 25th Feb. But I won’t be in UK. Sorry…

唉…

Miss Eveille, Rest in Peace.