琴日練波﹐

好自豪咁同隊友講…. “聽日出發啦。我將會有六個禮拜休息….. hehehe…. 今日我唔怕出事….. 今日要傷盡佢!!!!!!”………………………………

…………………. 係咪做人真係應該小心D講野好呢….?

首先就係隻手掙﹐椗波既時候太用力﹐椗到我諗傷左muscle fibres/tendons

之後 take field 既時候﹐我要做Left Fielder, 接好多高波。頭十幾個都完全無問題﹐接得我好滿意﹐淨係椗返 second base 時手痛所以唔係好夠力…. (左外返二壘﹐點可以唔夠力架????!!!!!)

直至到某一球﹐仲好記得係要向center field 衝去接既。我已經走到去個波著陸既位﹐但係手套出得唔夠快…..

The next thing I saw was…. Blood spurting out from my mouth… non stop… 呢世人都未見過咁咁咁多血噴出黎﹐ 更不用提D血係由我個口度噴出黎…. 噴到bea bea 聲咁…. 一開始我都唔知D血係由邊度黎。口? 鼻? 眼? 面? 胃??? 心只係諗…. 今日係Halloween 咩??咁應節既?? 我完全無痛/驚既感覺﹐我都無諗過原來自己遇上呢D事係會咁冷靜….. 凈係感覺到有D野ling 下ling下….. 好似係牙+牙肉…. 又feel 到嘴唇爆開左… 我既 natural instinct 係即刻用手兜住D血… 萬一唔知甩左D乜都執得番… 不過D血完全兜唔晒…. 有幾個team mate 即刻衝過黎… 大家都好幫得手+好關心我。又睇下我個狀況﹐又幫我call 白車﹐又幫我沖水+敷冰+ 止血+扶我返dug out (雖然我唔暈又行得穩)…. 好感動呀。我真係真係真係十萬分感激你地!!! 我呢個醜相真係嚇親好多隊友…. 而又浪費左你地打波既時間…. 真係想o係度講聲好對唔住….

I love baseball. I love my team. I love all of u.

好 彩我隊波有兩個醫生﹐幫我做左D初期既診斷。佢地既工作態度真係好專業。直得表揚。之後醫生隊友Veron 倍左我上白車﹐去左聯合醫院急症。發現原來只係九點…. 原來我miss 左成個幾兩個鐘練習時間…. 唔開心 … 不過我累到Veron 都miss 埋…. 好過意唔去….

坐白車等既時候…. 我自拍左幾張相做紀念…. hehe… 不過實會引起觀眾不安架啦…. 所以無post 出黎。

o 係醫院等左好耐好耐…. 因為甩牙爆嘴唇唔係有性命危險既急症﹐所以要排好耐…. 又照左X 光… 由於公立醫院野晚無牙醫﹐我媽媽打左俾我睇開個牙醫… 佢原本同家人o係大埔渡假﹐但係都即刻趕返去個醫務所。所以之後媽媽車左我去旺角﹐文醫生醫務所。再照多左張詳盡D既X光﹐同一個徹低既check up,大致上我個情況係咁既…..

上唇有兩處由外至內爆裂﹐一定要聯針。
下唇有塊肉”片”開左﹐都要聯針。
牙… 就麻煩少少… 上顎牙骨破裂﹐上排四隻門牙鬆脫﹐其中一隻較嚴重﹐因為斷左牙根(doctor isn’t quite optimistic on that one)
右邊牙骨甩左塊骨…. 搵唔返
上排牙肉外+內已經爆開到一塊塊…. 一定一定要聯針 (好似切puzzle 咁)

牙醫同我講﹐o係牙科醫學上﹐呢D叫做嚴重創傷喎….

弟弟之後都由學校趕黎睇我。今次真係嚇得佢呆左… haha, 唔好意思呀小弟… 媽媽都應該好擔心﹐不過我諗佢見我咁冷靜都無乜野…  況且再嚴重既傷我都傷過。

打左十二支麻醉針….

牙醫用力將四隻牙推返原位﹐推左幾耐下﹐因為要推得perfectly 齊+對返下排牙﹐所以要慢慢黎+好有心機。之後用左D唔知乜將D牙四隻’痴’埋﹐定好位﹐等佢呢幾日自己recover 一下先。咁就唔洗用牙托。不過﹐都有個可能性係D牙第時會唔整齊。

由於嘴唇外部有爆裂﹐所以為左唔想我毀容﹐文醫生特登急call佢一個做cosmetic surgery 既醫生朋友黎。佢又真係即刻趕黎… 真係好感激杜醫生呀。

之後聯針﹐再打多兩支麻醉針….. 聯左好耐好耐…..

上唇聯左十一針
下唇聯左四針
牙肉加加埋埋聯左十幾二十針 (forgot, 因為一忽忽咁….)

合 共聯左三十幾四十針….. 真係第一次做咁耐既手術…. 而且我仲完全清醒﹐所以我係觀察著每一個步驟…. 睇住醫生幫自己聯針﹐其實幾得意﹐見D線係咁扯﹐又要打好多個結…. 成個手術過左好耐﹐其實到臨尾幾針既時候﹐麻醉藥已經開始散﹐所以都feel 到少少…. 不過﹐唔係好痛… 咬咀唇仲痛啦….

牙醫話﹐過幾日我要去導牙根﹐四隻都要﹐不過副作用就係D牙會變黑﹐但係到 時都可以有辦法補救﹐同埋有樣野肯定既就係D神經線已經死晒﹐而nerve fibres 係唔會自己 regenerate 既…. 所以我呢世四隻門牙都唔會有任何感覺架啦…. for the rest of my life。最右手邊既門牙由於斷左牙根﹐情況唔多樂觀﹐有可能會壞死+甩出黎。到時就無辦法啦一定要用假牙啦。同埋呢個禮拜都最好留o係香港﹐導完牙根就 走得。所以醫生話最好延遲一個禮拜….. 想喊﹐但係無辦法啦。

返到屋企有好多野要搞…. 改機票﹐改義工期﹐覆人messages…..

仲有好多藥要食。

成 個禮拜只可以食流質食物。當減肥啦。今日爸爸返屋企﹐買左燕窩俾我食﹐因為會加快細胞既復原…. 真係好開心. 不過要用飲管食…. 成個禮拜都要咁食野…. 因為嘴唇腫到成個豬咀咁﹐can’t move nor control it….. 所以要好似D病人插侯管咁﹐淨係用得飲管。

個南美州義工之旅由六個星期縮短到五個星期…. 其實唔多唔少都有D唔開心… 但係我相信呢個係上天既安排﹐可能今個星期如果我過左去會有更嚴重既事發生 *touch wood* ﹐而最重要既﹐係我深深體會到身邊既人有幾關心我。我屋企人﹐棒球隊友﹐香港朋友﹐英國朋友(當有msn時都特登打長途電話黎問候我…)。呢世人都未 試過一時間收到咁多咁sweet+touching+caring 既text…. 真係好開心﹐好想save 晒佢地…. 返到屋企﹐好多好好好朋友o係MSN 問候我﹐真係多謝你地呀…. 之後仲要多謝棒球隊友之後幫我清理善後(我知left field 果大灘血真係幾嚇人+核突…. 好似有人劈友咁)﹐幫我渣返架車返我屋企﹐仲話遲D請我食雪糕…. 嘻嘻嘻…. 愛死你地!!!!!!!!!!!!!!!!!!!!

I am terribly sorry to make you guys worried, I know that you all care, and I was, and still am, really touched + grateful about that. I will take good care of myself. Accidents do happen in sports! Should be thankful that I hurt a place that will not stop me from sports for the rest of my life… Imagine if my right hand is paralysed…. I will then find no meaning in my life anymore (No more baseball/wakeboard/drawing/piano/cello/guitar/everything…)

I’m now so looking forward to the trip next week. Don’t worry guys, I’m not going to let this accident affect my Quality of Life. I’m still going enjoy life at its best like I always used to!!!